大部分喺广州生活嘅朋友

出门有三宝係一定要带嘅：

手机、锁匙、羊城通

因为马云爸爸同马化腾爸爸嘅出现

银包呢样嘢一早就变得可有可无

但係羊城通

对于公共交通发达嘅广州嚟讲就极其重要

虽然呢家地铁可以手机买票

公交又逐步推行扫码坐车

但係有羊城通唔洗排队喔

又唔洗担心要坐嘅公交无得扫码

可以减少好多顾虑，悭翻好多时间囖~

更重要嘅係

今日羊城通发话要放大招

羊城通要变成全国通？！

▼

据悉，未来广州将会

全面升级“行讯通”综合信息服务平台

推动全国交通一卡通嘅应用

为社会公众提供“普适均等”嘅一卡通行服务

简单嚟讲

就係广州有可能加速实现

“全国交通卡都可以喺广州刷”

或者

“羊城通可以刷遍全国”

厉害了，我大广州！

先嚟睇下网友点睇先▼

“未来是多久？”

“羊城通要逆天了！”

除咗今次即将放大招之外

其实广州羊城通作为公共交通卡

喺好多方面一直都领先全国

①

腾讯 x 羊城通 = 扫码坐车

就喺七月底

腾讯同羊城通正式宣布推出二维码乘车服务

预计8月底将会全面覆盖BRT以及南沙区公交

开通程序都好人性化

喺微信搜索“腾讯乘车码”小程序

点击开通绑定手机号码

开通免密支付选择扣费方式

就可以开通成功，乘车码就会存入“卡包”

仲可以将乘车码显示喺置顶聊天

②

羊城通推行实名制

推出羊城通记名卡

可以随时挂失或者退卡注销退押金！

只要带身份中

去羊城通客服服务中心

就可以办理新嘅羊城通记名卡喇！

③

支付宝线上充值服务

羊城通喺2014年

已经开通咗支付宝线上充值业务

可以通过羊城通网站、app

自助终端机、支付宝进行充值

④

咪表停车

广州中心城区咪表大约有6000个咪表

将车停喺咪表停车位后嘀羊城通

等摞车嘅时候再嘀卡，咪表就会一次扣费

⑤

广州图书馆缴滞纳金

从13年开始

羊城通就可以喺广州图书馆缴纳滞纳金

只要喺服务台或者自助设备嘀卡就OK

而且馆内使用打印、复印机都可以用羊城通比钱

⑥

嘀羊城通买菜

羊城通驿站项目启动

部分菜市场可以直接嘀卡埋单

比起现金更加干净卫生

又可以帮档主避免收到假币

⑦

羊城通手环、手表

早两年

羊城通推出咗“Sharkey”刷刷手环和手表

市民只要嘀手环、手表就可以坐公交同地铁

而且产品仲可以用作运动健康监测

记录跑步里程、步数同睡眠情况

手环官方价係168蚊

⑧

缅怀先人

清明期间

羊城通同广州殡葬服务中心联合

喺银河园推出羊城通嘀卡缴交祭拜台租金

再都唔洗喺拜祭高峰排队等交钱喇！

⑨

寻人

喺16年6月有轻微智障嘅45岁广州女子

喺天河五山走失

后来通过羊城通ID号查询发现

最近一次坐公交嘅记录

为寻人指明咗方向

虽然羊城通已经有咁多实用便利嘅功能

但係小编最期待嘅都係

羊城通变成全国通！

已经想象到以后嘅生活

一张羊城通或者一部手机

可以坐匀全国各地嘅地铁、公交

几鬼型啊！

希望唔需要等好耐喇~~